जय वलवी को न्याय दो,हत्यारें को फांसी दो! घोषणा देत बिरसा फायटर्स आणि जयस ने काढला खेतिया मध्यप्रदेश येथे आक्रोश मोर्चा

नंदूरबार प्रतिनिधी: जय वलवी को न्याय दो,हत्यारे को फांसी दो! अशा जोरदार घोषणा देत बिरसा फायटर्स व जयस सह खेतिया परिसरातील आदिवासी बांधवांनी २० सप्टेंबर २०२५ रोजी मध्यप्रदेश मधील खेतिया येथे आक्रोश मोर्चा काढला.मागणीचे निवेदन पोलीस निरीक्षक पोलीस ठाणे खेतिया जिल्हा बडवानी यांना देण्यात आले.यावेळी बिरसा फायटर्सचे राष्ट्रीय अध्यक्ष सुशिलकुमार पावरा,गोविंद पावरा,आकाश पावरा,विकास मोरे,दिपक पावरा सह जयस से हजारों कार्यकर्ते उपस्थित होते.

नंदुरबार येथे दिनांक १६ सप्टेंबर २०२५ रोजी जय वळवी या आदिवासी युवकावर पोलिसादेखत चाकूने प्राणघातक हल्ला करून खून करणा-या संशयीत आरोपी सूर्यकांत सुधाकर मराठे सह आरोपीविरुद्ध व पोलिस कर्मचारी चेतन चौधरी यांच्यावर खुनाचा गुन्हा दाखल करून तात्काळ अटक करा,फाशीची शिक्षा द्या व घटनेची एस आय टी चौकशी करून खुनाचा कटकारस्थान करणा-या आरोपींविरुद्ध गुन्हा दाखल करून अटक करा,अशी मागणी करण्यात आली.

                          नंदुरबार येथे दिनांक १६ सप्टेंबर २०२५ रोजी रात्री सूर्यकांत सुधाकर मराठे सह आरोपींनी तसेच पोलिस कर्मचारी चेतन चौधरी यांच्या देखत संगनमताने जय वळवी नावाच्या आदिवासी युवकावर चाकूने वार करून त्याचा भररस्त्यात हत्या करण्याचा प्रयत्न केला. त्या परिणामाने दिनांक १७ सप्टेंबर २०२५ रोजी रात्री ८.३० वाजेच्या सुमारास जय वळवी चा मृत्यू झाला.ही घटना नंदुरबार येथील सिंधी काॅलनीत घडली आहे. या प्राणघातक हल्ल्याचा आम्ही बिरसा फायटर्स मध्यप्रदेश संघटनेकडून जाहीर निषेध व्यक्त करतो.

                या संपूर्ण घटनेचा व्हिडिओ हा CCTV कॅमेरात रेकॉर्ड झाला असून तो सर्वत्र वायरल होतं आहे. वायरल व्हिडिओ मध्ये दावा करण्यात येत आहे की ज्या व्यक्तीने हत्या करण्याचा प्रयत्न केला तो एक पोलिससोबत आलेला. पोलीस कर्मचारी चाकू हल्ल्याची बघ्याची भूमिका बजावत आहे.यावरून पोलीस प्रशासनावर संशय निर्माण होत आहे.नंदुरबार पोलिसांनी या संपूर्ण घटनेची स्वतंत्र SIT ने चौकशी करावी. दोषीसह जो पोलिस अधिकारी सोबत आहे त्याला निलंबित करून त्याच्यावर हत्येचा खटला चालवावा व आरोपींना फाशीची शिक्षा द्यावी.अन्यथा आदिवासी समाज रस्त्यावर उतरून आंदोलन करेल.असा इशारा देण्यात आला.