शिवसंग्राम पक्षाचे अध्यक्ष, माजी आमदार विनायक मेटे यांचे अपघातात निधन

अनेक दशकापासून राजकारणात सक्रिय सहभाग. 

उपसंपादक ट्राईबल टाईगर 47 न्युज 

एसके जी पंधरे राज्य प्रतिनिधी राष्ट्रीय विश्वगामी पञकार संघ 

नागपूर : दिनांक:-14/08/2022 Vinayak Mete terrible accident शिवसंग्राम पक्षाचे अध्यक्ष आणि माजी आमदार विनायक मेटे यांचं कार अपघातात निधन झालं आहे. मुंबई-पुणे एक्स्प्रेस रस्त्यावर खालापूर टोलनाक्या जवळ विनायक मेटे यांच्या पहाटे साडेपाच वाजताच्या सुमारास अपघात झाला होता. या अपघातात मेटे यांच्या डोक्याला गंभीर दुखापत झाली होती. त्यानंतर त्यांना पनवेलमधील एमजीएम रुग्णालयात दाखल करण्यात आलं. मात्र तिथे उपचार सुरू असतानाच मेटे यांची मृत्यूशी झुंज अपयशी ठरली. राज्याच्या राजकारणात गेल्या अनेक दशकांपासून सक्रिय असलेल्या विनायक मेटे यांच्या निधनाने सर्वच स्तरातून हळहळ व्यक्त केली जात आहे. विनायक मेटे हे मराठा आरक्षणासाठी संघर्षाची एक मोठा आंदोलनाची चळवळीचे नेते होते.

 विनायक मेटे हे आपल्या चालक आणि सुरक्षा रक्षकासह बीडहून मुंबईकडे येत होते. मात्र खालापूर टोलनाक्या जवळ गाडी बोगद्यात जाताच भीषण अपघात झाला. पहाटेच्या सुमारास झालेल्या या अपघातानंतर मेटे यांना तातडीने रुग्णालयात पोहोचवण्यात अडचणी आल्या. अखेर काही वेळानंतर त्यांना एमजीएम रुग्णालयात दाखल करण्यात आलं. मात्र अपघाताचं स्वरुप भीषण असल्याने मेटे यांना हाताला आणि डोक्याला गंभीर इजा झाली होती. त्यामुळे त्यांनी उपचाराला प्रतिसाद दिला नाही .