कुछ भी हो सकता है! पक्षांतर्गत भांडण अपक्षला लाभ

 सुशिलकुमार पावरा यांना काँग्रेस, भाजप इतर पक्षांतील कार्यकर्त्यांचा खुला व छुपा पाठिंबा!

शहादा : नंदूरबार लोकसभा मतदारसंघासाठी बिरसा फायटर्सचे संस्थापक राष्ट्रीय अध्यक्ष सुशिलकुमार पावरा हे अपक्ष निवडणूक लढणार आहेत.भाजप म्हणजेच महायुतीकडून आदिवासी विकास मंत्री विजयकुमार गावित यांच्या कन्या हिना गावित यांना उमेदवारी देण्यात आली तर काँग्रेस म्हणजेच महाविकास आघाडीकडून माजी आदिवासी विकास मंत्री के.सी.पाडवी यांचा मुलगा गोवाल पाडवी यांचे उमेदवारीसाठी नाव घोषित करण्यात आले आहे.

पक्षातल्या घराणेशाहीला कार्यकर्त्यांकडून जोरदार विरोध सुरू आहे.एकाच घरातले लोक खासदार, आमदार, मंत्री,अध्यक्ष होतात, बाकीच्या कार्यकर्त्यांनी करायचे काय? भाजप व काँग्रेस दोन्ही पक्षात हेच सुरू आहे.आपला मुलगा ,मुलगी खासदार व्हायला पाहिजे म्हणून भाजप व काँग्रेस नेते लोकसभा निवडणुक लढवत आहेत. परंतु आम्ही नंदूरबार लोकसभाश्रॆत्र भ्रष्टाचार मुक्त करणे,खड्डेमुक्त करणे,स्थलांतर रोखणे असे ध्येय समोर ठेवून निवडणूक लढवत आहोत.असे अपक्ष उमेदवार सुशिलकुमार पावरा यांनी व्यक्त केले.

                    सुशिलकुमार पावरा यांना ५० पेक्षा अधिक संघटनांचा पाठिंबा मिळाला आहे.अपक्ष उमेदवार सुशिलकुमार पावरा यांनी भेटीगाठी सुरू केल्या आहेत.काँग्रेस कार्यकर्त्यांसोबत, भाजप व इतर पक्षांतील कार्यकर्तेही सुशिलकुमार पावरा यांचे खुले समर्थन करत आहेत. काही कार्यकर्ते छुपा पाठिंबा देत आहेत.पक्षांतील नेते या पक्षांतून त्या पक्षात, अशा उड्या मारत आहेत.

त्यामुळे कोणावर विश्वास ठेवायचा,मतदारांसमोर मोठा प्रश्न निर्माण झाला आहे.त्यामुळे वर वर आम्ही तुमच्यासोबतच आहोत असे म्हणणारे बोटावर मोजणारे कार्यकर्ते व मतदान राजे कधी कोणाचा गेम करतील सांगता येत नाही,अपक्ष उमेदवार सुशिलकुमार पावरा यांना वाढता पाठिंबा,पसंती बघता काँग्रेस व भाजप पक्षातीलच नाराज गटाचा वाढता विरोध, काँग्रेस सोबत भाजप व इतर पक्षांतील कार्यकर्त्यांकडून सुशिलकुमार पावरा यांना समर्थन मिळत आहे.त्यामुळे नंदूरबार लोकसभाश्रॆत्रात कुछ भी हो सकता है! अशी स्थिती निर्माण झाली आहे.