🏡 प्रधानमंत्री आवास योजनेतील घरकूलची रक्कम तीन लाख पन्नास हजार रू. पर्यंत वाढवून मिळावी: बिरसा फायटर्सची मागणी

120,000 रूपयांत झोपडी बनते, घर नाही: सुशिलकुमार पावरा

 

दापोली: प्रधानमंत्री आवास योजनेअंतर्गत मिळाणाऱ्या घरकूलची रक्कम तीन लाख पन्नास हजार रू. वाढवून मिळावी अशी मागणी बिरसा फायटर्सचे राष्ट्रीय अध्यक्ष सुशिलकुमार पावरा यांनी पंतप्रधान नरेंद्र मोदी, मुख्यमंत्री उद्धवजी ठाकरे यांच्या कडे एका निवेद्नाद्वारे केली आहे. 

            निवेदनात म्हटले आहे की, वाढत्या महागाईमुळे सर्वच जीवनावश्यक वस्तूंचे भाव गगनाला भीडले आहेत. दैनंदिन जीवनावश्यक वस्तुंचे भाव सर्वसामान्यांना न परवडणारे आहे. मात्र दुसरीकडे गरीबांना हक्काच्या घरात राहता यावे याकरिता भारत सरकार कडून प्रधानमंत्री आवास योजना राबविण्यात आलेली आहे. या उदात्त हेतूने सुरू केलेल्या प्रधानमंत्री आवास योजनाचा शासनाकडून मिळणारा निधी अत्यंत कमी आहे. 120000 रूपयांत घर बांधून होत नाही, एवढ्या रकमेत झोपडी होते.कारण आताच्या महागाईत सिमेंट, वाळू, विटा, डबर, मजूरी, लोखंड इत्यादींचे यांचे भाव प्रचंड वाढलेले आहेत.

                 वाढत्या महागाईमूळे सदर लाभार्थी आपल घर बांधू शकत नाही.त्यामुळे सरकार कडून प्रधानमंत्री आवास योजनांतर्गत मिळणाऱ्या घरकूलची रक्कम 120000 वरून तीन लाख पन्नास हजार रुपये पर्यंत वाढवून मिळावी. जेणेकरून गरीब लाभार्थी आपलं हक्काचं घर बांधू शकेल.अशी मागणी सुशिलकुमार पावरा राष्ट्रीय अध्यक्ष बिरसा फायटर्स यांनी शासनाकडे केली आहे.